Ralkap nih Kawlram 2008 phunghram pi cu fek deuh in hrenh an timh tiah theih asi.

Nizan ah khan vuanci rian tuantu ding tahfung cu ralkap nih an vun harter deuh than tiah Myanmar Times sin in kan theih.

2008 Kawlram phunghram 59(f) ningah Kawlram president a tuantu ding cu Kawl ram sinaka ngeimi asi lai, a nu le pa zong Kawlram ah hrinmi asi lai, cun ram dang mi he aa thi-ummi le ramdang mi sinak a ngeimi tefa a ngeimi asi lai lo tiah aa tel.

Nain tutan ralkap nih remh an duhmi ning ahcun, ramkulh le ramthen vuanci rian a tuantu ding vialte caah 59 (f) nih tlai dih seh ti asi.

Tubantuk in phung hram remh kan duhmi nih hin, rampi cungah zumhtlak sinak le ramdang mi hnahnawhnak chungin a kan khamh lai tiah Ralkap bawi Maung Maung nih a chim.

LEAVE A REPLY

Please enter your comment!
Please enter your name here