Rakhine ramkulh  Aan Myo Ne, May Let Maung khua te a ummi Chin mipu simi U Khine (kum 39) cu September 9 zaan ah khan a inn chungah nam he a rak lutmi nih thi lak in a tuk tiah Chin World Media nih a tial.

“May Let Muang khua ah kum 39, U Khine zong zaan 12 luan deuh hrawng ah khan a inn ah an luh hnawh i nam in an thah. Cun a nupi zong a vuak. An fa le tu cu zeitinhmanh an tuah hna lo tiah kan theih. Tubantuk thil cang hi AA tuahmi asi tiah Ralkap thawngthanh nih cun an langhter” tiah min langhter a duh lomi inn tekmi pakhat nih a chim.

Mah Chin pa thihnak hi AA kut asi tiah, Ralkap thawngthanh nih cun an rak langhter ve.

Cubantuk cun September 10 zingka ah khan Ann Myone Kan Thuang Kyi Myo ummi Rakhine miphun pahnih cu an lu an tan hna i, an ruak in an hmuh hna tiah theih asi.

Mah hlan March thla chung (2019) ah Rakhine ramkulh chungah, Chin ramkulh Paletwa peng Tha Run Ai khuami pakhat zong a cunglei thil cang bantuk in thah a rak tong tiah theih asi.  

LEAVE A REPLY

Please enter your comment!
Please enter your name here