Chin ramkulh kokek harnak bawmhnak timhtuahnak (Emergency Support for Chin State Livelihoods Restoration Project _ ) nih Chin ramkulh chung kokek harnak a tongmi khuate lam le hlei pawl remhnak ding caah US$ 8.996 million a hman lai tiah Chin World Media nih thawng a tial.

Japan ram nih sifah raldohnak caah bawmhnak a ngeihmi chungin Chin ramkulh caah hman ding US $ 10 million chungin khuate lawm le hlei remhnak ding caah US $ 8.996 million hi hman timh asi kong theih asi.

“Khuate lei hreh baumi caah hman asi tiah kan theih. A tlawm bik khua te 300 tluk cu bawmh ding ah timh asi, Chin ramkulh chungin kokek harnak a tong deuhmi khuate 300 bawmh asi lai, khuate bawmh ding tu cu Khuabawi (GAD) lei nih thim asi. Cun tuan deuh bawmhnak ah aa tel lomi khua thum zong thim chap asi lai” tiah Sipin vuanci U Soe Htet nih a chim.

2015 a rak cangmi kokek harnak Koman ruangah, a rawkralmi pawl remhthan dingah Kye-let (Department of Rural Development) nih ADB sin ah bawmh a hal i, Japan nih sifah dohnak dingah a chiahmi tangka US$ 10 million a bawmh tiah theih asi.

LEAVE A REPLY

Please enter your comment!
Please enter your name here