All Chin Society-Yangon (ACSY) hruainak in tuahmi Multi Dictionary caah holh a sullam aa khatmi cafang 1500 tluk cu kan khomh cang tiah ACSY Secretary U Naing Thang nih a chim tiah Chin World Media sin in kan theih.

“Multi dictionary chuah dingin kar kan hlang, sullam aa khatmi cafang pawl cu kan khawmh cang, mah kan khomhmi pawl cu meeting ah tha tein zohfelnak kan tuah than lai, mah hnu lawngah kan chuah te lai. Tutiang hi cafang 1500 tluk kan khomh khawh cang. Dictionary chuah kan duhnak a ruang bik cu mah Dictionary hi Chin mi kip sin ah a phak tikah khat le khat theihthiamnak a um deuh lai, cucu tlang holh (common language) tuah dingah a tha hnem lai tiah kan ruahchanmi hi asi” tiah ACSY chairman nih a chim.

Mah lawng hmanh si loin ACSY nih Chin tlang thuam (angki) zong an chuah tiah theih asi, mah kong he pehtlai in “Zapi hrawm khawhmi angki zong kan chuah. Tu cu mi tampi nih an i hruk cang. Chin miphun vialte an nungphung hrambunh in mah angki (Chin angki) cu kan chuahmi asi” tiah Naing Thang nih cun a chim chap.

Source: Chin World Media

LEAVE A REPLY

Please enter your comment!
Please enter your name here