India ram, Mizo Ramthen le Kawlram, Sagaing Ramthen Kalay Myo karlak mawtaw tlunkal dingin ramhnih cozah nih timhtuahnak an ngei cang tiah Chin World Media nih a tial.

Champhai lei in tlungkal ding mawtaw tlunkalnak kong he pehtlai in, Mizo Ram Lamsul lei Vuanci Pu TJ Lalnungtluang nih “Kanmah mizo ram le Kalay Myo karlak direct in mawtawl tlunkal dingah, Kawlram sin ah kan chimh hna, cun Ram pumpi level Ramdang vuanci sin zongah kan chimh. Cu kan chimhmi hna cu an lung tling i, a tak in tlamtlinh dingah kan ceih. Mah timhtuahnak a tlamtlin hnu lawngah hin, khat lei ah ummi kan miphun pawl he fawi tein pehtlaihnak kan ngei kho lai” tiah a chim.

Cun “Rampi level in Ramdang vuanci Sushma Swaraj nih a herhmi land custom pawl kong zong rianrang tein tuah ding, cun a herh bantuk in Kawlram ummi Palai (Indian Ambassador) nih a herh ningin cozah zong va chimh chawnh dingah kan chimh cang” tiah ti tiah a chim chap.

Tulio ah Mizo ram le Kawlram hlatnak lam cu Falam peng Rih Khuadar lei in asi i, cucu ram hnih tlunkalnak ah a bik in hmanmi asi.

LEAVE A REPLY

Please enter your comment!
Please enter your name here