Paletwa peng chungah, 2018 thok in Arakan Army (AA) le Kawl rakap tuk kahnak ruangah a tlau i, tutiang hmuh rih lomi a tlawm bik minung 10 an um tiah Khumi Affairs Coordination Council (KACC) nih thanh-ca (statement) August 30, 2019 ah an chuah.

U Kho Lo (kum 60) le A tupa Ai Benjamin (kum 14) le Ai Kyaw Naing (kum 15), hna cu Yat Chaung khuami an si i, tisik an-hnah kawl ah an chuah lio ah October thla chungah khan an tlau.

U Kyaw Aye (kum 50) cu Rakhine Ramkulh Marauk-U khua in amah khua Than Thauang lei ah Leamyo tiva in tilawng in a rak tlun lio ah AA nih Moe Zaythit khua ah a lawng he an tlaih, tuni tiang a chuak ti lo.

Bawng Wa khua mi Ai Kyaw Lin Naing (kum 23), Ai Kyaw Sein (kum 31), Ai Kyaw Kyaw Than (kum 28) le Ai Kyaw Lin (kum 25) hna cu Lawngkadu Thirhlei rian a tuanmi caah Mawtaw saikal in thlah donnak (carry) an tuahmi an si i, July 16 ah khan hriamtlai phu pakhat nih an tlaih hna i,a  tutiang an chuak ti lo.

Mg Bu Kui (Kum 20) cu Rakhine Ramkulh Marauk_U khua in Leamyo tiva zulh in a lawng he a rak kir lei ah AA nih a tlaih i, aa phorhmi mirang vawlei le canphio he tutiang an chuak ti lo.

Cun Hnama khuami U Sa Beaung (kum 42) zong August 10 ah khan a saikal he thil a cawk lio ah hriamtlai pu pakhat nih an tlaih ve i tutaing a chuak ti lo.

Hi a tlaumi vialte hi an chungkhar he an i ton khawhnak dingah tuanvo ngeitu phu pawl nih tuanvo lak piak dingah thuk piin kan in nawl ko hna, cun Chin mi pawl raltuknak he pehtlaihnak a ngei lomi pawl hi tlaih le kalpi ti lo dingah thuk piin kan in nawl ko hna tiah KACC ca-thanh nih a langhter.  

LEAVE A REPLY

Please enter your comment!
Please enter your name here