Victoria Academy tiah min pekmi Community College cu 2020 January ah thok asi cang lai tiah Chin World Media sin in thawng kan don.

Victoria Academy hi community college level in tuah asi ko lai nain, cozah nih policy a ngeih rih lo caah degree si loin, certificate lawng a pek khawh lai tiah theih asi.

Kum hnih chung cawn asi lai i, cawn ding subjects pawl cu Social Sciences, Information Technology, English Language(4) skills, Numeracy and Learning Skills, Community Development le Social Entrepreneurship pawl an si lai.

Kum hnih tha tein a dihmi cu Victoria Academy le Thailand Ram Chaingmai ummi Payap University nih Certificate pek asi lai tiah theih asi.

Voikhat (batch) ah siang-ngakchia 32 lawng cohlan asi lai, hmaikum caah tukum October 15 tiang khi luhnak catlap sawk khawh asi.

Kai a duhmi cu tang 10 awngmi asi lai, cun kum 16 a tling cangmi asi lai, nain kum upa deuh zong a ngah thiamthiam __ cun ni khat ni in ni nga ni tiang caan tling in a kai kho dingmi a si lai tiah theih asi.

Atu bantuk Community College hi Kawlram chung in Kaya Ramkulh, Kayin Ramkulh, Kachin Ramkulh, le Shan ramkulh hna ah tuah a si cang tiah theih asi.

LEAVE A REPLY

Please enter your comment!
Please enter your name here