Chin National League for Democracy (CNLD) Pati nih zungthar awnnak an tuah i, a khuapi kip ti tluk in zung catar (Signboard) kong he pehtlai in harnak kan ton tiah Pati Chairman Zo Zam nih a chim tiah Chin World Media nih a tial.  

“Khuapi kip ti tluk in signboard tarnak ah harnak kan tong_ Tedim, Tonzang chim loin. Zei ruangah ti ahcun, khua cheukhat nak in khuapi chungah GAD rian tauntu pawl chim ka duh. Kanmah Laimi  an tuannak khuapi ah cun harnak a um lo, a kan bawmh lo hmanh ah tlaih ding cu an tuah lo. Fiang tein chim ahcun, GAD zung ah Chinmi rian an tuan lonak Khuapi poh ahcun harnak kan tong ko. Signboard kan tar tikah a kan kham, an lung chungah hin Chin pati timi cu ral ah a kan ruah” tiah CNLD pati Chairman U Zo Zam nih a chim.

Cun Pu Zo Zam nih “Kanmah hi a ho raal hmanh kan si lo, kanmah cu cozah he a rak tuan ti balmi ramkhel pati pakhat kan si ko. Hlan lio ahcun mahnak hin a rak zual deuh, kanmah lei kanmah kan rak i zuam, cun Kawl pati he zong kan rak i zuam. Chin mipi dawtnak raungah hmunkip ah teinak kan rak hmuh. Tuanbia dawh zong kan rak tial, mipi dawtnak thawngin” tiah a chim chap.

CNLD pati nih Chin ramkulh khuapi Kanpetlet, Mindat, Hakha, Thantlang hna ah zung an awn cang, cun Kalay Myo, Khampat, Ka Nan, Tamu le Kantkaw zongah zung an awn rih lai tiah theih asi.

LEAVE A REPLY

Please enter your comment!
Please enter your name here