American ca tial thiam le chawleh thiamsang Robert T. Kiyosaki nih a tialmi “Rich Dad Poor Dad” timi ca uk hi, mi no he mi cang he rel phu taktakmi ca uk asi, cucu Laimi nih Lai holh tein rel khawh dingah Mai Sui Li Par nih a leh i cucu cawk khawh asi cang tiah thawng kan don.

A tu bantuk in chaw leh lei le rian (business) lei he aa pehtlaimi ca uk hi Lai holh cun rel awk a um lo tluk asi lio ah, tubantuk in ca uk tha ngai Lai holh in a vun chuah khawh hi lunglomh tlak ngaingai asi.

“Robert T.Kiyosaki țial mi ” Rich Dad Poor Dad ” timi cauk cu kawl ca in Nyi Nyi Naing nih ” ဆင္းရဲေဖေဖ ခ်မ္းသာေဖေဖ” tiah a rak leh i kawlram ah a rak lar ngai .Sinan mah bantuk cawnpiak nak cauk phun pawl hi ka rel theng tawn lo tik ah mah cauk cu ka rak rel lo .Zaankhat cu Mai Sui Li Par he kani chawn i mah cauk kha Laica in a leh hnik nak kong a ka chimh . Lai ca in a leh lai ati tik ah a leh mi cu rel ka lung chuak ngai ve . A leh daan le a cațial mi rel ka duh nak thinlung deuh a tam men lai ka ruah . Ca cu email in a ka kuat i ka rel . Cațial tu Robert nih cun Pa pahnih ka ngei a ti . Pakhat cu mirum si i pakhat cu sifak a si. A pa tak cu sifak a ti mi pakhat deuh kha a si i sifak a ti nan a pa cu catang sang Ph.D tiang a hmu mi a si . Pakhat deuh a pa cu a hawi pa Mike i a pa si i chawva kawl thiam mi , mirum ka pa a ti mi kha si . Robert le mike cu an hngakchiat ka in rum duh mi an si tik ah an pa le sin ruah nak kong an rak hal . An pa le pahnih cu dirhmun aa lo lo mi an si tik ah Robert le Mike nih an theih duh mi rumnak kong cu an pa le nih zei tin an rak leh hna , catang sang lo nan chawva lei ah a rum mi i a khuaruah nak le catang sang nan a rum lo mi i an khuaruah nak kong pawl cu mah cauk ah kan hmuh khawh . (Mirum a pa ruah nak deuh mah cauk hin cun a langhter deuh ) Rum nak hmuh khawh nak hi rian sang pipi hmuh , thlahlawh sang pipi hmuh khawh ma a herh . Asiloah vanțhat ma a herh , fimthiam nak sang pipi ngeih ma a herh .Mirum a pa nih a chimh nak hna cun mah hna lak ah pakhat hmanh si lo .Asiah rum nak lam a ti mi cu zei si hnga ? Robert le a hawipa nih mirum an pa chim mi cu an rak zulh tik ah zei bantuk mi ah an i chuah ? Mah pawl hna cu mah cauk rel a nuamh nak an si .An ton mi kong , an zulh mi kong pawl cu tuanbia țial phun in a țial tik ah ca rel zong a tluang i lungfian zong a fawi .Mah cu a hramthawk cațial tu Robert țial mi cauk ka rel bal lo nan , Lai ca in Mai SuiLiPar nih fiang tein a chim duh nak khen ding in a leh țhan kho tiah ka ruah . Ka rel tik ah ca rel a tluang i kaa fiang kho colh.” tiah Salai Nan Yan nih ca uk kong ah a chim.

Ca uk Cawk khawhnak pawl cu a tanglei bantuk in asi:
CACC – 09440304741
Chin Art- 09893536196
Roza Iang Hlei Tial -09258360940
Gloria Ca Chin Zing – 09400302364
Siang Tha Hlei Par -09400302823
Ca Hnem Tial – 09403045624
Biak Men Sung -09257639101
Cung Bik Thawng CB bank- 09404824088
Salai BN Dennis -09251774279

Ca uk man cu: 1500 MMK asi

LEAVE A REPLY

Please enter your comment!
Please enter your name here