Hakha khua kauhnak timhtuahnak Sipin area chungah cozah nih a zuar dingmi inn hmun 717 kongah puaisa nih anmah pumpak in an cawlcangh ahcun upadi ning dantat an si lai tiah Chin World Media nih a tial.

“An min cu kan khomh dih cang, cun media pawl sin zongah kan pek cang hna. An cawlcangh ning hi kan ngiat ko hna, tunak in tampi an cawlcangh lo ahcun zeihmanh a poi lo. Cu ti si loin cozah ralchanh in an tuah peng ko ahcun, dantat dingah bia kan chah cang. Cozah nih aa zuam cuahmah i, a tuahmi cungah a kan bawmh i an tuah ve ahcun a tha ko. Nain a tunak in an luan deuh ahcun dank kan tat ko hna lai” tiah Sipin Vuanci U Soe Htet nih a chim.

Phung ning loin inn a sami pawl cu cozah nih a hrawhpiak hna hnu ah, Eekah (Acre) 676 ah inn hmun 717 an samh i, cucu Ramkulh cozah nih zuar a timh.

Tutan inn hmun samhmi ah 100”x100” kaumi pawl cu hmun 22 an tuah i hmun khat ah ting 50 in zuar si lai __  80”x90” pawl cu hmun 75 an samh i hmun khat ah ting 35, cun 60”x80” cu hmun 445 an samh i hmun khat ah ting 25 in zuar a si lai, cun 40”x60” cu hmun 175 an samh i hmun khat ah ting 10 in an zuar lai.  

LEAVE A REPLY

Please enter your comment!
Please enter your name here