Photo: Chin World Media

Vice President Henry Van Thio tawlrel piaknak bantuk in Hakha-Hmandaw lampi caah Chin Ramkulh tangka tha-zaang 1 billion kyats an hman lai i, papek in an tuah lai tiah Chin World Media sin in kan theih.

“Vice President nih a kan fial bantuk in Chin ramkulh tangka tha-zaang chungin 1 billion kyats kan hman. Fur chung asi i, tuhi a zeimaw zawn ahcun rian zong an thok cang, pau chuah lei ah khin cun rian biatak tein kan thok cang lai, tuzong hi hlei dawnhnak ah a herhmi thir pawl kan kuat cang” tiah Sipin vuanci U Soe Htet nih Chin World Media sin ah a chim.

Hakha-Hmandaw lam cu fur chung ah hman dingin timhmi asi i, tangka thazaang hna a um chap ahcun lung in phah asi lai tiah theih asi.

“Vice President a rat lio ah mah lam hi, papek in tuah dingah a kan chimh. Mah lam hi a thar cawh ding cu tlawmte lawng asi, a um ciami lam kha kan remh lai, tangka hi zeizat satsat dah kan hman lai timi tu cu chim chung awk a tha lo” tiah Lamsul lei vuanci Pu Sui Thio nih a chim ve.

Hakha-Hmandaw lam cu meng 66.5 a sau i, akauh pe 30 in fur chung ah hman khawh dingin timhtuahmi lam asi.

Source: Chin World Media

LEAVE A REPLY

Please enter your comment!
Please enter your name here