Lailenpi Vanlawng Tual (Credit: MAF- Myanmar)

Chin ramkulh Matupi peng Lailenpi ah sak cuahmahmi vanlawng tual cu 2020 May thla ah dih dingin kan tuah lai tiah vanlawng tual a satu MAF-Myanmar (Mission Aviation Fellowship) nih an FB page ah an tial tiah Chin World Media sin in thawng kan theih.

Lailenpi Vanlawng Tual (Credit: MAF- Myanmar)

Ruah a tam hlan ah ni fatin kan sak cun a herhmi lung pawl zong kan khomh cuahmah ko tiah MAF-Myanmar nih an langhter.

Lailenpi Vanlawng tual cu 2018 September ah khan MAF-Myanmar le Health And Hope bawm in sak hram an rak thokmi asi, 2020 ah an dih ahcun minung 18 cit khawhmi vanlawng fa pawl a tum-kai kho lai tiah theih asi.

Lailenpi Vanlawng Tual (Credit: MAF- Myanmar)

Mah vanlawng tual cu vanlawng tliknak lam 800m (2600 feet) a saumi sak a si lai i, cucu cozah nih a tuah cuahmahmi Falam Surbung vanlawng tual caah bawmtu si ding a biapi taktakmi, cozah kum nga timhtuahnak chungah aa telmi asi.

Lailenpi Vanlawng Tual (Credit: MAF- Myanmar)

Lailenpi hi kalumnak a har taktak nak hmun asi i, mah vanlawng tual an dih ahcun inn tek mipi thong 40 hna caah Yangon in minutes 90 chungah tlun kal khawh asi te lai.

Lailenpi Vanlawng Tual (Credit: MAF- Myanmar)

2017 ah saknak nawl awnhmi Lailenpi Vanlawng tual cu US$ 2.2 million dih in 2020 ah dih dingin an sak cuahmah ko tiah thawng kan don.

LEAVE A REPLY

Please enter your comment!
Please enter your name here