AA le Tatmadaw Ral an i tuknak Rakhine Ramkulh Pone Na tikulh ah Palik nih an i citmi mawtaw pawl cu AA nih an kah caah Palik bawi pakhat le humhimnak tuanvo latu pahnih an nunnak liam tiah VOA Burmese nih a tial.

“Nizaan ah khan thawng kan thanh cang. Palik mawtaw cu an rak kah. Palik bawi pakhat cu a khup ah an hliamh, a hma he Sittwe ah an ratpi. A hma ruangah sizung phak hnu ah a thi. Cun Min Pia lei Ra Maung hlei in nichuah lei ah vawlei tang bom (mine) lung hnih in a kan thuat, nain zeihmanh hliam khuainak a um lo, mah cu si ko” tiah Ralkap lei in tuanvo ngeitu Bu Hmu Choh Zaw Min Htun nih a chim.

AA lei nih cun Palik mawtaw pathum kan kah i, Palik Bawi Thaung Lwin telh in a dang pahnih an thi, cun pahnih an i hliam, cun mawtaw pathum zong a rawk tiah thawng an thanh ve.

Tuthla chung cu Minpia ah hin pehzulh in ti tluk in ral a thawh lengmang caah khua 30 tluk cu tu thla zarh khatnak in tlunkal nak nawl cu ralkap nih an phih hna.

LEAVE A REPLY

Please enter your comment!
Please enter your name here