Hrawhmi Hmun (Photo: The Hakha Post)

Tuni August 20, 2019 ah cozah nih inn a hrawhpiakmi hna chungin, inn hrawhpiak lo dingah a inn chungin a rungvengtu nu pakhat cu palik le sipin nih lengah an rawt lio ah mah le mah hngal loin a umcaah sizung ah an kalpi tiah Chin World Media nih a tial.

Mah kong he pehtlaih in, “Nu kum 42 hrawng asi men lai. Inn chungah a um i a chuah duh lo caah, palik le sipin pawl nih an va dawh i an chuahpi lio ah mah le mah thei lo in a um. Sizung ah cun um a hau lo, cikkhat oxygen kan pek, cun tlawmpal aa din i a dam ko. Tuhi sizung in a chuak cang” tiah Hakha sizung pi ah rian tuanmi pakhat nih a chim.

Cozah nih tuni ah a hrawhmi Acre 676 timhtuahnak chung inn pawl hi, August 8 ah hrawh dingin a rak timh cang nain, bukip upa he ceih-hmai hnu ah August 19 ah an thawn, cu hnu ah a tak in tuni August 20, 2019 ah an hrawh hi asi.

Source: Chin World Media  

LEAVE A REPLY

Please enter your comment!
Please enter your name here