Paletwa ah Kawl ralkap le Arakan Army (AA) an kahmi kongah, anmah ralkap he lawng aa pehtlainak a um i anmah kut cungah tuanvo a um dih tiah CNA Bu-hmu-ci Solomon Thang Ding nih a chim tiah Chin World Media nih a tial.

CNA le Cozah ralkap karlak kah deihnak min thut lio ah hin Chin ramkulh chungah CNA le Kawl ralkap lawng hi hriam-nam he umnak nawl awnh a rak si __ cucaah tubantuk in AA an luh chuahmi hi cozah nih a tawlrel ding thil asi tiah a chim.

Solomon nih “Tu ah kan nih cu Tedim le Thantlang hrawng lawngah a kan umter. Tubantuk in Paletwa ah buainak a chuah tikah kan lung cu a fak ngai. Nain kahdeihnak minthut ning in hi thil cu cozah kut chungah a um” tiah a chim.

Hlan deuh lio CNA pawl Paletwa hrawng an rak um lio ah tubantuk in buainak a chuak bal lo, cun Bangladesh lei zongah buainak a rak um lo tiah a chim chap.

Hi Paletwa kong hi CNF upa zong nih a herh bantuk in ramkip ah an chim cun, hrauitu pawl hna he ton biaruahnak zong an tuah ko tiah a chim.

____ Chin World Media

LEAVE A REPLY

Please enter your comment!
Please enter your name here