Cozah nih World Bank sin in a cawimi $60 million leng cu Hakha-Kalay Highway lampi meng 40 ca lawngah a za ding asi caah a zawh lomi lam-can caah Rampi le Ramkulh tangka thazaang chungin MMK 7.77 Billion an hal chap tiah Chin World Media nih a tial.

Hlutaw Member U Zung Hlei Thang nih World Bank tangka nih a zawh lo ding lam caah zeibantuk in dah timhtuahnak a um tiah bia-hal a tuahmi ah Duh-Vuanci nih a tu bantuk in a phitmi asi.  

Mah kong he pehtlai in “A hramthok ah cun mah World Bank tangka $60 million nih hin Kalay-Hakha lawng hmanh si loin Hakh-Kankaw lam hmanh a zawh chih lai tiah kan ruah. Nain World Bank lei nih tha tein zohfelnak an tuah tikah, tha taktak in (standard ngei tein) tuah ding asi tikah meng 40 lawng a zawt lai ti asi tikah a zo ti lo, Tan Ngin in meng 40 ah cun Falam hmanh a phan huaha ti lo. Cu ruangah a tangmi lamcaah tangka nan timhmi a ummaw tiah ka halmi hna asi. World Bank zong nih tutaing hi an thok kho ve rih lo, lam zong cu a mah ning bon peng asi rih ko” tiah Hluttaw Member U Zung Hlei Thang nih a chim.

Kalay-Hakha lampi cu Kalay in Tan Ngin tiang khi JICA sing tangka cawimi in tuah asi lai, cun Tan Ngin in Hakha tiang hi World Bank sin cawimi in tuah asi lai __ nain tubantuk in meng 40 ca lawng a za ding asi tikah 2019-2020 tangka hrampi chungin Ram pumpi le Ramkulh tangka in sak ding in an halnak hi asi.

— Chin World Media

LEAVE A REPLY

Please enter your comment!
Please enter your name here