United League of Arakan/Arakan Army nih Chin Human Rights Organization (CHRO) le online in thawngthanh ca tialtu Chin media pawl ralchanh in thanhca pakhat a chuah.

An chuah hnawhchan cu, CHRO le Chin media pawl nih AA kong hi a dik lo ning in le Chin Mipi le Rakhine mipi karlak ah rem lonak le huatnak chuahter tu ding cabia an tial tiah an langhter.

A bik in CHRO nih News Release a rak chuahmi AA nih an rak thlaihmi hna Paletwa Pengin Kintalin khuami hna kong he pehtlaiin, tha tein hlat hlai lo le hram ngei lo in lih in tialmi thawng asi tiah AA Statement nih a langhter.

Hi hnu ah CHRO siseh Chin media pawl sin hna seh, thawngzamh ca tial tikah tha tein hlat-hlai hnu ah le kap ngei lo in khua ruah hnu ah tial dingin Agust 14 ah chuahmi AA thanh-ca nih a langhter.

LEAVE A REPLY

Please enter your comment!
Please enter your name here