Thlanglei Chin Ramkulh Kanpetlet chungin mawtaw lam zong a pem lonak hmun hna ah Buddhist biaknak mission a hungcho ngai tiah Chin Pi Taung Pain FB page nih a tial.

Tu ning tein Khrihfa pawl nih Ramkulh chungah hmaithlak loin hmun dangdagn ah mission rian tuan a pehzulh rih i, kanmah ramkulh chung an dai thlanh ahcun Chin ramkulh cu Buddha ram ah aa cang te men lai tiah Chin Pi Tuang Pain nih a tial chap.

Chin Pi Tuang Pain nih arak share chinmi FB Page; Chin Lan Voice nih “Mawtaw lam a pem lonak Chin ramkulh, Kanpetlet Peng, Cin Dwe Peng, Ma Kiu an Nu Peng le Than Tuang Peng hna ah, Buddhist missionary pawl le phungki pawl nih mipi sin ah dawtnak lung put taktak he an cawlcang an bawmh hna caah, tupi a muihnak chung ah a ummi Chinmi pawl cu an mit a vun au i, Buddhist biaknak ah tampi an luh caah Buddhist bianak a biami caah cun lawmh awk ngai ngai asi” tiah a tial.

Mah Chin Land Voice nih hin, hmanthlak pawl hi an FB page ah an rak taarlangh i, tubantuk in ca zong an tial chih.

Chin Land Voice nih, “Mah kaa hmun hrawng ah hin ei-awk tha tein an hmuh khawhnak hnga Kawlram Buddhist biami pawl nih Saw Myo Peng le Rakhine ramkulh lei in mawtaw lam pemhpiak, cycle lam pek piak, fim cawnnak sianginn sakpiak, sizung sakpiak, phungki biakinn sakpiak ti bantuk in bawmhnak pek ahcun, Chin ramkulh chung ah hin Buddhist biaknak cu a hun thangcho ngai lai” tiah a tial chap.

LEAVE A REPLY

Please enter your comment!
Please enter your name here