American ram ah tlawn a duhmi Kawl rammi caah tlawnnak a fawi deuhnak dingah tiin timhtuahnak B1 le B2 visa timi an thok tiah VOA Burmese nih a tial.

Mah B1 le B2 hi tlawn sawhsawh aa timmi caah siseh, rian tuan aa timmi caah siseh voi khat te ah a pahnih in sok khawh asi __ visa ngah ahcun thla thum ca asi i, visa a lak (claim) tikah a man pek a hau ti lai lo tiah US tanzugn nih ca an chuah.

Ramhnih karlak ah tlawnkainak a fawi deuhnak dingah tiiin tu bantuk in kan tuahmi asi tiah US Tan-hmu Scot Marciel nih a chim.

2018 chungah hin American ram luhnak vis cu 14,000 tluk pek an si, cucu 2015 lio nak in 40% a tam deuh, cun 2017-18 ca cawn kum ah hin kawl rami 1,500 tluk cu America ram ah fim cawn dingah an kal, cucu mah hlan kum he tah chunh tikah 16% in a tam deuh.

Cubantuk cun America ram in Kawlram lei a rak tlawnmi hi an karh ve; tukum kumcheu tiang hrawngah hin American mi 25,000 tluk an rak tlawng, nikum nak in 3% an tam deuh ve.

LEAVE A REPLY

Please enter your comment!
Please enter your name here