Asia ram chungah caah cun Noble Minthatnak Laksong tiah auh vemi Ramon Magsaysay minthatnak tukum 2019 caah thimmi chungah Myanmar Now thawngzamh Chief Editor Ko Shwe Win aa tel ve tiah VOA Burmese nih a tial.

Ko Shwe Win cu a zalenmi, zulhphung he aa zul-dawimi le minung nunnak kong cu a chungpil taktak tial thiamnak thawngzamh thiamnak a ngeimi, upadi ning tein le thil dik cu lungsau tein kawl aa zuam pengmi asi tiah tubantuk in minthatnak hmutu ah an thimmi asi.

Laksong a hmuhnak kong he pehtlai in, “Si, zarh hnih a luan cia lio ah khan thawng a kan thanh. Thawngzamh thiamnak he pehtlai in, mipi caah that-hnemnak na tuah, mibu caah that-hnemnak na tuah, mipi harnak kah nem deuh dingin na tuah, cun namneh a tongmi le a dik lomi thil kongah zeimaw zat tiang na tawlrel khawh tiah mah pawl ruangah kan in pek tiah ca kuat in a kan chimh” tiah Ko Shwe Win nih a chim.

Kawl rammi chungin Romon Magsaysay minthatnak a hmu balmi hna cu At Duat Law Yone, Ti Ti Luz Dr Sin Thi Ya Maung, Ka Saw Wa, Sai Raw La Phaing, le zukcawl (actor) U Kyaw Thu hna hi an si.

Source: VOA Burmese

LEAVE A REPLY

Please enter your comment!
Please enter your name here