Thailand ram khualipi Bangkok chung minung an tamnak hmun ruk ah bom a fami pawl an puah caah minung pali an i khong tiah VOA Burmese sin in thawng kan don.

Kawl rammi rian tuanmi tampi an umnak hmun Bangkok ah tubantuk in bom a puahmi hi ASEAN meeting tuah lio caan ah aa tong ko nain thinphan ding cu a um lo tiah Thai Vuanci-choh nih a chim.

Cu bantuk in Kawl rammi tampi an umnak hmun ah bom a puak ko nain thinphan tuk ding cu a si lo tiah thial-kam rian tuantu pawl covo dirkamhtu phu Chairman U Aung Kyaw nih a chim ve.

Mah bom puah ruangah lak-hruak in thanh ding zeihmanh a um lo, bonkel tein asi khawhnak dingah kan i zuamcuahmah ko tiah a chim chap.

Cun, nizan ah khan ASEAN meeting an tuahnak hmun he aa hlat tuk lonak hmun ah bom pahnih kan hmuh chap tiah Palik nih an chim.

Mah bom puahnak kong he pehtlai in Singapore rammi pahnih cu kan tlaih hna tiah Palik nih an chim chap.  

LEAVE A REPLY

Please enter your comment!
Please enter your name here