AA (Arakan Army ) nih February thla ah an rak tlaihmi hna Kintalin Khuami pawl cu July 31 zing suimilam pakua ah,Ungti Wa khua nu khua pa pawl sin ah kan up cang hna tiah AA nih July 31 ah thanh-ca an chuah tiah Chin World Media sin in thawng kan theih.

Kintalin Khaumi pawl hi AA sakhan ah an um tikah harnak tampi an ngei, cun an khua ah tlun in hrambunh an duh kong an chim caah tubantuk in kan thlah hna nak hi asi tiah thanh-ca ah an langhter.

Kawl ralkap that-lonak le puar hrannak tih ruangah khuami cheu khat cu ramlak ah a zammi pawl chungah Kintalin khuami hi an i tel ve caah, minung hawi zawnruahnak thinlung put he hmun khat te ah umnak kan pekmi hna asi tiah thanh-ca ah an langhter chih.

Kintalin khuami pawl cu an umnak, ei-ding tirawl, ngandam zohkhenhnak, humhimnak, zatlang zohkhenhnak, le fa hrinnak he peh tlai in AA nih a ngeih chunmi ti-rawl, sii-ai hmangin asi khawh chungin a zohkhenh hna, cun ramkip phanmi Rakhine miphun pawl le mibu pawl nih chungkhar khat thinlung put he thla 5 leng chung an cawm hna tiah an langhter fawn.

Source: Chin World Media

LEAVE A REPLY

Please enter your comment!
Please enter your name here