Chin ramkulh, Thantlagn Peng, Zahnak Tlang chung khua pawl ah zuu zuar an kham ko nain raalkap nih nih an sakhan ah tutiang hi zu an zuar peng ko caah; biaknak lei hruaitu pawl le khua uk bawi pawl an thinphang ngai ko tiah The Chin Journal nih a langhter The Hakha Post langhtermi cu a langhter.

Zahnak Tlang khua 11 chungah Zahnak Tlang Youth Association (ZYA), Khuabawi le Biaknak upa pawl nih OP zu zuar lo ding an khap lio ah ralkap nih an zuar cuahmah  ko tiah inntek upa pawl nih an chim.

“Zu zuar lo dingah mino, uknak le biaknak lei in kan kham lio ah ralkap nih lang-hlan taktak in an zuar tikah khuachung ah a thli tein a zuarmi pawl zong kan kham kho ti hna lo. Mah kong hi President sin ah langhter usih law a tha hnga maw tiah kan i ceih-hmai cuahmah. Ralkap pawl hi meithal he a ummi an si tikah kan chim ngam hna lo” tiah ZYA hruaitu nih Hakha Post sin ah a chimmi cu The Chin Jorunal nih a langhter.

OP din ruangah a thimi milu an karh lengah, khua chungah ah buainak an chuahpi cun biaknak lei rian zongah a hnorsuan tiah ZYA hruaitu nih a chim chap.

Source: The Hakha Post
Ref: The Chin Journal

LEAVE A REPLY

Please enter your comment!
Please enter your name here