Paletwa Pengah kharmi sianginn pawl cu hunthan an si ko cang nain, ca chimtu 306 tluk an bau tiah Paletwa Peng Fimcawnnak Zung Lutlai U Myo Min nih a chim tiah Chin World Media nih a tial.

“Kharmi sianginn pawl cu hunthan an si cang; pengkulh chung vialte ah siang-niam run (primary) chimtu 306 tluk an bau rih. Ramkulh zung sin ah kan chimh cang hna, cun ramkulh zung nih cunglei ah kan in chimhpiak hna lai tiah an ti” tiah Paletwa Peng fimcawnnak zung lutlai U Myo Min nih a chim.

Rakhine ramkulh le Paletwa peng ramri hrawng Arakan Army (AA) le Kawl ralkap raltuknak raungah Paletwa peng ummi sianginn 100 leng cu khar a rak si.

Hunthan asi cang ko nain, siangngakchia pawl cu sianginn uniform tlamtling in an ngei lo, text book (kutlaih ca uk) an ngei lo, ti bantuk in harnak an tong tiah theih asi.

LEAVE A REPLY

Please enter your comment!
Please enter your name here