Shan ramthen, Lashu Khua Gold Luck Water Park ngeitu mirum pa U Ye Naing thawngpang lak ruangah an report mi DVB thawngzamh pa Khun Zaw Oo timi cu tuni ah biaceih zung an chuahpi tiah DVB thawngzamh nih a tial.

Mirum pa thawngpang latu DVB thawngzamh Khun Zaw Oo cu mawtaw laisan ngei lomi aa cit tiah mawtaw PK (traffic police) nih tiza an cuai.

Mirum pa U Ye Naing cu a rain tuantu pawl nih nihlawh a kan pe lo tiah an chim ruang ah, DVB thawngzamh rian tuantu Khun Zaw Oo le Freelance Journalist Myt Moe Thu nih July 22 ah an pehtlaih tikah, an pahnih tein mirum pa nih zungah rak rat dingah a auh hna.

Thawng latu pahnih an vun phak tikah Gold Luck Water Park ngeitu pa nih cun inn-kaa a khar kanh hna lengah, a hrocer hna __ cun laisan ngei lomi mawtaw an i cit tiah PK pawl sin ah a report chap hna.

Tubantuk in thawngzamhtu pawl hrocernak hi Lashu Thawngzamh Phu, Taung Kyi Thawngzamh Phu, Upper Myanmar Thawngzamh Phu, Myanmar Journalist Network, Northern Shan Women Network le Shwe Triangle Thawngzamh hna nih an mawhchiat.

Cun thawngzamhtu pahnih zong nih mah kong hi Myanmar Media Council sin zongah an report ko.

Khun Zaw Oo cu, PK nih tiza an cuainak upadi ningin thawng kum khat tiang thlak khawh asi ___ a tlawm bik ah thla khat cun zeidang thilri zong in dan tat khawh asi.

Khun Zaw Oo cu No. 1 Lashu palik nih sakhan nih an tlaih i, an hren ko.

LEAVE A REPLY

Please enter your comment!
Please enter your name here