Mawtaw saikal in vawlei pi hel aa thawhmi Kawl rammi pahnih hna cu an khual tlawnnak ram 11nak simi Finland ram an phan cang tiah VOA Burmese nih a tial.

 Motourlogue tiah auhmi vawleipi helnak khual tlawnnak ah Kawl rammi Sai Zun Pha le Ko Aung Kyaw Win hna cu May 26 khan an rak i thok.

Naizarh chungah khan Nichuah Chaklei Lithuania, Latvia le Estonia ram pal in an rak mawngh ___ cun thla hnih chungah Thailand, Lao, China, Mongolia, Russia, Kazakhsatan hna tel in ram 11 an rak pal cang.

BMW Saikal he vawleipi a helmi hna pahnih hi MPRL E&P Kampani nih tangka lei in a bawmh hna __ cun an thawng pang hi an facebook Motourlogue zongin thawng an rak pek lengmang.

Mah khual tlawnnk kong he pehtlai in, “Tu cu thaal asi cang tikah Europe ram vawlei/tlang (landlock) ram pawl cu a lumnak cu a lumtuk, cun a kihnak cu a kiktuk. Tahchunnak ah nai zarh ah khan cu Europe ram pawl ah (Heat wave) a rak phanh tikah 40 degree leng a kai. Yangon hmanh mah tluk cuna  lin lo. Mah bantuk dirhmun zong cu an va tong lai. Cun motor saikal kan timi cu mawtaw bantuk in siarem tein cit khawh asi lo. Cun lam chiat le khua-ti harnak zong an tong kho” tiah UK ram ummi Dr. Thant Ko Ko nih a chim.

Sai Zun Pha le Ko Aung Kyaw Win cu Finland in Norway le Sweden ram lei ah saikal in khual lam an peh rih lai tiah theih asi.   

LEAVE A REPLY

Please enter your comment!
Please enter your name here