Hakha khua kauhnak timhtuahnak kongah cozah nih hmun cuhtu tiah a timi hna mipi nih Chin ramkulh Vuanci-choh, Huttaw Chairman le Lamsul lei Vuanci rian phuahpiak dingah lamzawh an timhmi kongah, upadi ning tein dantatnak kan tuah hna lai Lamsul lei vuanci Pu Sui Thio nih a chim tiah Chin World Media nih a chim.

Pu Sui Thio nih, “Sinpin nawl awnhnak loin inn an sak caah, hmu cuhtu an si tiah kan ruah hna. Mah kongah Vuanci-choh hi rian thlak/phuah a ngah lo, upadi ning tein thil a tuahmi asi caah; anmah lei nih Democracy chan ah fawi tein an tial, mah ti an tialmi zong nih upadi ningin dan-tat khawh an si” tiah a chim.

Hakha khua kuahnak ding hmun ah a ummi hna nih, cozah lei nih cun hmu-cuhtu ah a chiah/ruah hna, an sak cangmi inn zong pawl zong theh dingah an timhtuah, mah an timhmi chungah a ummi mipi pawl nih July 31 ah lam dawh an timhmi kongah Vuanci-choh, Hluttaw Chairman, le Lamsul lei vunaci cu rianrang in an rian phuahpiak dingah duhnak an langhter lai tiah teih asi.

Pipu ram cu Cozah nih a si lo ningin a kan chuh tiah an ti i, inntek mipi pawl nih lam an zawh dingah an hal ding konglam 16 aa tel ___ cu hna cu pipu ram theihpiak ding, Hakha kuahnak timhtuahnak ah aa telmi 43.90 acres cu sinpi area ah telh lo ding, cun Chin ramkulh chungah vawlei-lawng (Vacant, farrow land) a um lo timi le vawlei tawlrelnak upadi hee aa tlak loin vawlei tawlrel ning timi ngol ding; 1948 vawlei upadi ning tein tuahpiak ding, cun chuhmi vawlei zong a ngeitu sin ah pekthan ding timi pawl hna hi an si.

Cung kongah “Upadin ning tein dan kan tat hna lai. Inn hmun kan cheu tikah kanmah ngeihmi vawlei si tiah an chim. A ngeih taktakmi asi le si lo zong upadi ning tein kan tawlrel lai” tiah a chim.

Source: Chin World Media

LEAVE A REPLY

Please enter your comment!
Please enter your name here