“Back for Good” (B4G) tiah auhmi timh tuahnak tangah, phung ning loin Malaysia ah a ummi Kawlram mi  nih Kawlram ah RM700.00 (~ US 170.15) dih in tlun khawhnak timh tuahnak kong cu Malaysia nawl-ngeitu nih July 18 ah khan an thanh tiah VOA Burmese nih a tial.

“Back for Good ti si. Kanmah ram Kawlram ah tlunnak lam tha asi. Mah timhtuahnak hi 6+1 ti asi. RM 600.00 hi dan caah pek ding, cun RM100.00 hi cu Special Pass caah asi. A zaa tein RM 700.00 lawng a dih lai. Mah timhtuahnak hi, thla riat thla (August) thla in thawk asi lai, cun December 31 tiang a ngah lai. Thla nga chung caan pek asi.” tiah Malaysia ram Kawlram tanzung in tuanvo ngeitu Ko Thi Ha Mg Mg nih a chim.

Cun “tu thla (July) 30 ah hin, Siangpahrang thutdan a kai lai. Cu caah siangpahrang luat-ternak timi ruangah tubantuk in man fawi tein tlun khawhnak an tuah hi asi men lai” tiah a chim chap.

Mah hlan ah a rak um balmi timh-tuahnak 3+1 timi a rak um bal __ cu kong kong he pehtlai in, “3+1 kha cu, tu timhtuahnak 6+1 nak in RM 300.00 hrawng hi a fawi deuh. Nain tutan timh tuahnak zong hi, tlawm te a dih ko. A ngaingai ahcun bonkel tein tlun ding asi ahcun, dan-tatnak caah hin RM3200.00 hrang pek in tlun a hau. Mah nak cun tampi a fawi deuh ko” tiah Ko Thi Ha Mg Mg nih fianter.

Tlun duhmi nih zeitindah an tlun khawh lai?

A nung rihmi passport a ngei rihmi caah cun Malaysia immigration zung ah kal in dan tatnak va pek hnu ah tlun khawh asi. Cun Passport a ngei lomi caah cun hmat-pung-tin (NRC) original le chungkhar cazin (family registration paper) copy he Myanmar Tanzung ah CI va zok in tlun khawh asi.

Source: VOA Burmese

LEAVE A REPLY

Please enter your comment!
Please enter your name here