USA ah khua-ti linhtuk (hot weave) ruagnah Nizan zarhpi ni (July 21) tiangah khan a tlawmbik minung 6 an ti tiah tiah VOA Burmese nih a tial.

Nain, tuantuk in a linhmi (heat wave) cu a dih deng cang ko tiah Nawl Ngeitu nih an chim.

Nitlak laifang lei thli cu nichuah lei rili kam lei hoih in a hran caah ni-linh cu aa rel deuh lai nain, ruah lo piin ruah fak piin a sur kho, cun ti a lianh khawh lengah thlichia zong a hran khawh caah rawh-raalnak a chuak kho tiah US Khua Caan zohtu zung lei nih an chim.

Cubantuk cun, US ram pumpi ah puai phunphun tuah ding le zaangcelh puai zong an let/hrawh hna.

Cu lio ah Florida Ramthen Clearwater rilikam ah tek a tlak raungah a tlawm bik minung pariat an i khong tiah inn-tek thawngzamh WTSP nih a chim.

Tubantuk in khua-ti a linhtuk caah, chungkhat le hawi le kom, a bik in kumkhua upa deuh pawl cu tha tein zohkhenh dingah US khuacaan lei nawl-ngeitu nih an chim.

LEAVE A REPLY

Please enter your comment!
Please enter your name here