2022 ah tuah dingmi Pumpalulh World Cup caah, a dot 2nak Asia ram pawl chungin luh khawhnak (qualifier) puai cu nai Nithum (July 17) ah khan, Malaysia ram Kuala Lumpur khuapi ah puaisin suai an dih cang.

Asia ram chungin ram 40 cu, luh khawhnak puai an chuh lai, cun dot 3nak luh khawhnak puai (qualifier) chuih a si than lai i, mah ahcun a thiam bik ram 4 cu World Cup ah an lut lai.

Group F ah Kawlram cu a um i, a puai khatnak ah Mongolia he September 5 ah an chuih lai, cun a puai hnihnak cu September 10 ah Japan he an chuih lai. (Group F ah hin, Myanmar, Mongolia, Japan, Kyrgyz le Tajikistan an um hna).

Group A ah hin, Syria, Philippines, Maldives, Guam hna he Tuluk cu an um ti caah; an nih caah cun ruahchannak a ngan ngai ko.

Khat lei Group C ah Asia ah pumpalulh thazaang thawngmi North Korea, Iraq le South Korea an um ti hna caah, mi lung la ngai an si hna.

Kawlram cu a dot 2nak hmanh ah Mongalia hmanh hi tei hna sehlaw, Japan nih hin tei dawh an si; a zeiti si hmanh ah dot 3nk ah hin cun Tuluk, South Korea ti bantuk in thazaang thawng ram pawl tampi an ton hna lai caah; ruah channak hi a tam lem lo tiah ruahnak a um.

Source: VOA Burmese  

LEAVE A REPLY

Please enter your comment!
Please enter your name here