Kawlram ah a cang cuahmahmi nuhrin covo buarnak ruangah American ramdang vuanci zung nih Ralkap bawi pali hna cungah phihkharnak thar cu Nizan (July 16, 2019) ah a pekthan tiah VOA Burmese nih a tial.

Tutan ah US nih phihkharnak a pekmi hna cu Ralkap Bawizik Min Aung Hliang, Ralkap Bawi Changtu Soe Win, Buchoh Than Oo le Buchoh Aung Aung an si tiah a tial.

American 2019 ramdang rian tuannak upadi le American Ramdang vuanci zung nih a ngeihmi upadi section 7031 (c) hmangin dan pek an si.

Tubantuk in US ramdang vuanci nih dantatnak atuah tikah, a duhmi cu thlennak le tuanvo laknak kha a duhmi asi ko.

Tubantuk in danpeknak atuahmi hi Kawl ralkap lutlai zik pawl sin ah US nih dan a pekmi voikhatnak zong a si.

Mah dan peknak a ruang biapi bik chungah Rohingya cungah covo buarnak hna aa tel tiah VOA Burmese nih a tial.

Global Magnitsky Human Rights Accountability Act tiah auhmi upadi ningin Rohingya kongah tuanvo ngeitu Duh-bu-choh-ci Aung Kyaw Zaw, Bu-hmu-choh Khin Mg Soe, le ramri hngak ralkap Light Infantry Division 99 le 33 hna cu US nih 2018 August thla ah khan phihkharnak an rak pek cang hna.

LEAVE A REPLY

Please enter your comment!
Please enter your name here