Kawl ralkap pawl hi, ramkhel in a dot-dot (duhsah tein) tein chuah dingah NLD nih an ruah lio ah tlang cungmi Party pawl nih cun; lak-hruak (rannak in) chuahter an duh hna tiah Irrawaddy nih a tial.

Cu ti chuahter a duhtu hna party cu ANP (Arakan National Party), SNLD (Shan National League for Democracy), MNP (Mon National Party) le NUD (National United Democratic Party) pawl an si tiah a tial.

NLD party timh tuah ning ahcun, tulio ralkap 25% an i telmi hi 2021-2026 ah 15% ah thumh, cun 2026 in 2031 ah 10% tiang thumh cun 2031 in 2036 ah 5% tiang thumh dingah ruahnak an chuahpi __mah ruahnak pekmi a tlamtling ahcun, 2031 hnu lei cung ralkap hi Hluttaw ah 5% lawng an thu cang lai tinak asi.

Mah kongah “Ralkap nih 25% hluttaw ah an rak thutmi hi Veto power ngah an duh caah asi. Hluttaw chungah thil tuahmi vialte hi an rak zohfel duhmi asi ko. Duhsah tein kan chuah hna tikah, an veto power a rawh hnu ahcun zeitindah an thut duh ti hnga” tiah SNLD in MP U Sai Thi Ha Kyaw nih biahalnak a chuahpi.

Cun ralkap cu phu khat ah hrambunhmi an si tikah, an lu bik bia lawng kha an chim ko lai __ cu tikah Hluttaw chungah minung 100 an um ko nain, an aw cu pakhat te lawng a chuak kho tiah U Sai Thi Ha Kyaw nih a chim.

Cun ANP party in MP U Phe Than nih “Ralkap hi Hluttaw ah a um peng ve ko ahcun, Federal le Democratic rampi si khawh ding cu a hark o lai. Khakha kan thinphanmi asi. Mipi nih thimmi cozah hi zalen tein rian tuanternak le nawl ngeihter kan duh hna” tiah a chim ve.

Democracy ram ahcun ralkap hi runvennak vuanci kut tang ah a um ding asi, cun run vennak vuanci hi mipi nih thim ding asi; cun cucu run vennak vuanci cu President kut tangah a um ding asi tiah U Pe Than nih a chim chap.

Cu lio ah, ralkap 25% hi Hluttaw kan thut ruangah mipi nih zeibantuk hmanh in hnorsuannak a um lo tiah Buhmu-choh Mg Mg nih May thla ah khan Nay Pi Daw ah tuahmi thawng fianternak lio ah a chim ve.

Tulio Kawlram Hluttaw chungah teinak hmumi NLD 59%, Thlungcungmi Party 11%, USDP 5% le ralkap 25% tiin an thu hna i; an zaa tein 579 an si.  

Source: Irrawaddy

LEAVE A REPLY

Please enter your comment!
Please enter your name here