Kan hnu zarh Ni nga ni (July 12) ah khan, Yangon um chinmi 100 tluk nih Aung San Kun in Mahabandoola Pangpar dum tiang lam an zawh __ catar pawl tlaih in AA le Ralkap tuknak cu ngol dingah, AA nih Paletwa chuahtak dingah, nuhrin covo buarnak ngol dingah le AA nih tlaihmi Chinmi tlaihmi pawl thlah dingah an aupi.

Cu kong he pehtlai in, CNLD (Chin League for Democracy) nih AA (Arakan Army) pawl cu Chin Ramkulh chungin chuah dingah an hal hna tiah Myanmar Times nih Salai Ceu Bik Thang chimmi hrambunh in a tial.

“Chin ramkulh ah AA hi an um awk asi lo. Anmah um ruangah nuhrin covo kan sung, cun tampi kan intuar cang caah hin, AA nih hin Paletwa pengah sakhan an chiahmi hi chuahtak dingah kan hal” tiah CNLD General Secretary Salai Ceu Bik Thawng nih a chim.

Mah kongah “An harnak cu kan theihthiampiak ko hna nain, AA ruangah hin Chinmi inntek mipi pawl nih harnak tampi an tong __ hlei an hrawh, cun thanchonak rian (project) pawl zong hnahnawhnak an pek” tiah Vuanci hlun Salai Issak Khen nih a chim ve.

Cun, AA nih hin inntek mi pawl cu thil an phorhter (porter) hna, cun a micheu cu an nunnak tiang a liam. Tulio te ah hin, Chinmi 4000 tluk cu Paletwa chungah eiding ti-rawl har in ralzaam dirhmun in an um ko tiah Isaak Khen nih a chim chap.

Myanmar times nih mah kongah AA lei cu pehtlaihnak a tuah ko hna nain, an tuah kho hna lo tiah anmah Myanmar Times website ah kan hmuh.

Source: Myanmar Times

LEAVE A REPLY

Please enter your comment!
Please enter your name here