Falam Peng, Vaar hlei cu ti a lianh tikah thinphang dirhmun ah a um caah, a thlanglei deuh in amah hlei ai-ah hman dingah hlei dang sak an timhtuahnak caah inntek lo (dum le hau) a hnorsuan ruangah inntek minung pawl an i lung si lo tiah Chin World Media nih a tial.

Dum ngeitu pakhat nih, “Lam thar tuahnak dingah, ka hai dum chungin an tuah i, ka hai kung pawl an sam. Hlei cu tii in pe 10 tluk sangin sak ding asi tikah, khua pal ti lo in lo chungin a kal ding asi. Tubantuk thil an tuah ding kong hi, khuami zong thawng a kan thanh lo” tiah a chim.

Dum Chung Hai Kung Sammi (Photo: Chin World Media)

Hi kong he pehtlai in, “Lam le hlei lei zung pawl kan i ceih lio asi. Dum le hau an i tel. Cun khua khat pumpalulh tual zong a hnorsuan lai. An pumpalulh tual cu hmundang ah cawhpiak dingin kan ruah ko. A tuhi kan thok cang, Lam lei District zung, cun Myo Ne Engineer zong nih a hmunhma an zoh i, an i ceih-hmai lio cuahmah asi” tiah Sipin Vuanci U Soe Htet nih a chim.

Var hlei cu 2015 lio kokek harnak can lio ah khan, a pil bang i, tubantuk fur ah cun thinphang dirhmun ah a um caah, adang hlei pakhat cu tii in pehra sangin sak ding asi __ kum hnih timtuahnak in sak ding asi tiah theih asi.

Source: Chin World Media

LEAVE A REPLY

Please enter your comment!
Please enter your name here