Pelatwa pengah July 12-13 ah khan, ruah faktuk in a sur caah tiva ti a rak lianh caah a himbawmnak a zammi hi minung 900 tluk an phan tiah Chin World Media nih a tial

Paletwa pengah ti lianh ruangah Paletwa khuapi chung sang 4 ah le khuate 11 ah ummi minung 900 tluk nih an umnak inn an chuah tak tiah theih asi.  

“A tam deuh cu Kala-ta tiva thluan hrawng ummi phungkhi sianginn ummi 178 hna hi, Paletwa zaangcelh zungah kan chiah hna. Myo Ma sang ummi 302 hi, Myo Ma phungki sianginn le pawngkam chungkhat inn ah an um.  Ywa Ma sang ummi zong Sianginn le phungki sianginn, cun chungkhat inn ah 336 hrawgn an um. Mah pawl cu ralzaam pawl Paletwa khuapi an rak um lioi, a hleimi facang, soft drink pawl ti abntuk le changreu hna kan bawmh hna” tiah Ralzaam Bawmtu Chairperson U Way Thang nih a chim.  

Kala-tan tiva cu, tuni hi ruah a vun nem deuh caah ti a zor men lai tiah inn tekmi nih an ruah tiah Chin World Media sin in kan theih.

Source: Chin World Media

LEAVE A REPLY

Please enter your comment!
Please enter your name here