Rakhine ramkulh, Kyauktaw le Mrauk-U peng chungin ral  nih dawimi hna (IDPs) 700 hrawng cu zawtnak an tong tiah Rakhine Ethics Congress (REC) nih chuah-ca an chuah tiah NBI news nih a tial.

Mah ralzaam pawl hi chungtlik, vun-cuar zawtnak le khuh in an zaw, cun “A zawmi chungin cheuthum cheu hnih cu ngakchia kum 10 tang an si hna. Ngandam zohkhenhnak an ngei lo” tiah REC secretary Ko Zaw ZAw Tun nih a chim.

AA (Arankan Amry) le Kawl ralkap (Tatmadaw) raltuk ruangah le nikhua chiat ruangah lam naih sizung ah kal khawh lo ruangah, mizaw a cheu cu an nunnak a liam tiah a chim chap.

“Mah raalzam dornak thlam ah hin, ngandam zohkhenhnak zeihmanh an ngei lo. An zawt ahcun anmah tein sizung le see-khan kal an hau, kalnak ah tangka an ngei fawn lo. Ngandam zohkhenhnak hi an herh hringhran ko” tiah Ko Zaw Zaw Tun nih a chim.

AA le Kawl ralkap tuknak ruangah tulio ah hin Rakhine Ramkulh chung ah hin, IDP 51,962 an um, cu chung ahcun 22,232 hi dornak thlam ah a ummi an si, 29,730 hi dornak thlam ah um lomi an si hna tiah NBI nih a tial.

LEAVE A REPLY

Please enter your comment!
Please enter your name here