Kawlram chungah nau chuak ret (rate) a zornak a ruang cu va ngei lomi nu an karh caah asi tiah Ministry of Labor, Immigration and Population Vuanci U Thein Swe nih a chim, tiah Myanmar Times nih a tial.

“Kawlram chungah nau chuak ret a zor, hihi va nei lo nu milu an karh caah asi” tiah U Thei Swe nih Nay Pyi Taw ah Nihnih ni ah khan a chim.

2016 hlat-hlainak (Survey) tuahmi ningah va ngeimi nu pakhat nih buaktlak in fa pali an rak ngeih, nain rampi buaktlak nau chuak ret cu 2.3 ah a tum, a ruang cu va ngei lomi nu an karh caah asi tiah a chim.

A dang a ruang pakhat cu chanthar nau khamnak phunphun hi va ngeimi nu caah fawi tein tuah khawh asi cang caah asi fawn tiah a chim chap.

Cun nau chuak ret hi, khuapi le khua te ah aa dang tuk __ cu ruagnah cun chanthar nau khamnak phunphun hi khuate lei pawl caah fawi tein ngah dingin tuah a hau tiah a chim fawn.

“Shan ramkulh hi nau chuak ret a sang bik i minung 1000 chungah 59 asi, cu lio ah Yangon ramthen ahcun 21 lawng asi” tiah a chim.  

Kawlram chung fim cawnnak ah hin, pa nak in nu hi an tam deuhtuk cang; ‘Bachelor buaih lami chungin 59%  cu nu an si, cun a cunglei Master in cunglei buaih lami 63% cu nu an si” tiah a chim chap.

LEAVE A REPLY

Please enter your comment!
Please enter your name here