Kawlram Yangon khuapi, Kamaryut Peng, Hledan ummi U Tun Lin Chan Street timi lam in hmun pakhat ahcun, ca uk suimilam pakhat chung na va rel lai i tangka 1,000 MMK lak khawh si tiah Myanmar Times nih a tial.

Cu hmun cu ca-ruk (library) asi maw ti ahcun, asi lo __ Nithum ni poh ah 6:00-7:00pm lengmang ca uk relnak club ah an tuahmi Company zung asi.

Cu kongah “Cauk hi ka cawk i zungah ka chiah hna. Nain cauk cu rel lo ahcun, san a tlai lo. Cu ruangah tubantuk in timhtuahnak cauk suimlam pakhat chung rel in thong khat i lak timi hi ka thok hi asi” tiah mah Company: Royal Job  Management Institute i, founder le CEO simi U Chantha Htun nih a chim.

Careltu nih carel lio caan ahcun, phone hman a ngah lo __ tutiang ahcun mah cauk relnak club ahcun minung 20 lawng rel khawh asi.

U Chantha Htun, CEO and Founder of Royal Job Management Institute (Photo: Myanmar Times)

“Kan ram ah hin, carelmi an tlawm ching lengmang. Social Media cungah holh dawh cah lo in comment a hmangmi an tammi hrimhrim nih cucu a langhter ko. Thil dik le dik lo hi mipi nih an thleidang kho ti lo, cucu tih a nung khotuk” tiah U Chantha Htun nih a chim chap.

Cun “Mah tangka kan pekmi hna hi cu nuamhnak ah kan pekmi hna asi. Tangka ruah ah si loin cauk rel ruah ah an ra ko.  Angaingai ahcun, thong khat nih cun Bus tinak man lawng a zawh” tiah U Chantha Htun nih cun fianternak a tuah.

LEAVE A REPLY

Please enter your comment!
Please enter your name here