Hnaring Khua (Photo: Chin World Media)

Chin ramkulh Hnaring khua, No. 1, Basic Education High School (BEHS) celh-tual pal in lam chunh, cun sianginn area chungah GAD (General Administration Department) zung saknak kongah duh lonak an langhter lai tiah Chin World Media nih a tial.

Mah hlan ah rak nawl asi ko cang nain zeihmanh tuahpiak asi lo caah July 14 ah langhter dingmi ah hin, khuami pawl nih lam chunhmi le zung sakmi cu hrawhpiak dingah halnak an tuah lai.

 “A luan cia 2016 lio ah khan, sianginn celh-tual pal dingin lam cawh lo dingah ramkulh cozah sin ah ca kan rak tial cang. Tu ah sianginn area chungah GAD zung sak dingin an rak ra hoi. Khuami minung 12 nih kan lung tling ko tiah, zung sak dingah foundation an cawh cang. Sianginn area chungah lam an palter tikah ngakchia caah mawtaw pawl tih a nung kho. Cun celhtual a um ruangah ngakchia nih lente celh an thangcho lai, cun a dangdang ca zongah an hman khawh lai. Mah kan celhtual hi tahmui zung hnih le saphaw he kan pupa nih kum thum le kumm li caan lak in an rak cawhmi ro asi caah hrawh kan siang lo, cu ruangah duh lonak kan langhter hnik” tiah Hnaring khuami Salai Michael nih a chim.

Tubantuk thilcangmi kongah hin President, Vice President le Daw Aung San Suu Kyi sin ah cakuat an tial cang ko na tein, tutiang zeihmanh cawlcanghnak a um rih lo.

Source: Chin World Media

LEAVE A REPLY

Please enter your comment!
Please enter your name here