French ram Lyon khuapi ah tuahmi  2019 World Cup pi ah USA nu pumpalulh phu nih pakhatnak an hmuh tiah BBC sin in kan theih.

USA cu a puai khatnak ah Thailand he an chuih hi 13-0 in an tei hna __tutan world cup ah hin puai 7 an chuih i, kawl 26 an kawl caah World Cup vialte lak ah kawl tam bik a kawltu ah an cang.

Repinoe (Photo: BBC)

Semi-finals ah USA nih England cu 2-1 in an tei hna, cun Netherlands nih Sweden in an tei ve hna, hnu ah USA le Netherland final an kai i 2-0 in an tei hna.

Tukum hi USA nih World Cup ah final cu pehtlai tein kum thum an kainak kum asi, cu bantuk cun a voi linak Champion an laknak a si fawn __ 1991, 1999 le 2015 lio zongah USA nih champion an rak lak.

USA nu pumpalulh captain nih tukum World Cup ah kawl ruk a kawl caah sui keden a co lengah, fianal puai chung a tha bik laksawng caah Sui Bawlung a co chap fawn.

LEAVE A REPLY

Please enter your comment!
Please enter your name here