Paletwa Peng, Tuan Ka Long khua hram bunhmi  Lam Rian Tuanmi Kampani seh mawngtu pasarih hna cu AA (Arakan Army) nih hramhram in rian an tuanter hna tiah AA Sakhan in a rak luatmi Kintalin khuami nih a chim tiah Chin World Media nih a tial.

AA Ralkap (Photo: Chin World Media)

 “Mah seh mawngtu pawl hi ralkap pensen an si tiah kan theih. An hrem taktak hna. Kan zoh ngam hna lo. An ke ah thirhri an khih hna i, rian heh tiah an tuanter hna. Tintan tuahnak hmun zong hmuipi le hmui te in an cawhter hna. Rawl hi nikhat ah voikhat lawng an pek hna. An taksa zong a dertuk cang” tiah AA Sakhan in a rak luatmi Kintalin Khuami pakhat, min langhter lomi nih a chim.  

Paletwa Peng Kintalin khuami hna cu AA nih an tlaih hna hnu ni hnih ah, Tuan Ka Long khua ah hrambunhmi lam rian tuanmi Seh mawng pasarih telh in Khomi miphun pkhat le NGO rian tuanmi pakhat zong AA nih an tlaih chap hna tiah theih asi.

Source: Chin World Media

LEAVE A REPLY

Please enter your comment!
Please enter your name here