Kawlram pumpi huap in H1N1 zawtnak in a thimi 21 an phan cang tiah VOA Burmese nih a tial.

“Tukum 2019 chung a tuni tiang, atu thawng a kan kuat tiang ah hin, H1N1 chekmi hi 343 an phan. Cu chungin zawtnak a ngeimi 117 an si. Mah 117 chungah cun A zong B zong aa tel. Cu chungin AH1N1 hmuhmi cu 99 an si. Nizan  tiang thawng a kan kuat ning ahcun, 21 an thi cang” tiah Dr. Khin Khin Kyi nih a chim.

2017 lio ah khan minung 1,000 leng an thi an rak chek hna i, minung 458 sin ah H1N1 zawtnak rungrul rak hmuh asi i, 38 an rak thi.

Atu 2019 chungah cun Kachin, Kaya, Kayin le Shan ramkulh nichuah lei dah ti lo poh a dang ramthen le ramkulh pohpoh ahcun H1N1 le a dang khuacaan tlangrai zawtnak pawl hmuh an si.

Tukum chungah H1N1 in a thimi a tam deuh cu, Yangon ramthen chungin an si hna. A thimi a tam deuh cu ngakchia le kum upa cangmi tar deuh an si hna.

LEAVE A REPLY

Please enter your comment!
Please enter your name here