AA (Arakan Army) nih an tlaihmi hna Kintalin khuami 54 chungin nu pakhat cu anmah AA sakhan ah a thi tiah a zammi nih an chim tiah Miza Khua Auh Su, Kone Pyin khua bawi nih nih an chim tiah Chin World Media nih a tial.  

Tlaihmi hna chungin pahnih an rak zam kho cun, a hnu deuh ah minung 12 zong an rak zam kho tiah theih asi.

AA sakhan ah a hngaktu pawl (watchmen) an um lo karlak, ruah fak ngai in a sur lio zaan tim ah minung 12 an rak zam kho tiah khuabawi pa nih cun a chim.

 “AA nih a an tlaih lio ah hin, minung 52 an rak si. A voikhatnak ah pahnih an zam kho. Cun a voihnihnak 12 an zam. A luatmi zaa pi te hi minung 14 an si. Tarnu pakhat cu mah AA sakhan ah a thi. A thihnak hi, a dam lo ruangah asi. Tu ah AA sakhan ah Kintalin khuami 39 an tang rih ko” tiah khuabawi nih cun a chim.

Cun, “Khua tlun kan duh tiah AA Bu-ci sin ah an chim ahcun, ngaal cehnak kua-6 in an ceh hna. Cu tikah a si kho ti lo an ti i, ni ngani zaan 10:00pm ah a hngaktu AA an um lo lio ah, a si kho ti lo tiin zaan khuadei an rak zam i, tuhi kan sin an rak phan kho” tiah a chim chap.

A zammi nih an chimnak ah, AA sakhan ah hin hrem cu an tong lo, nain Rakhine ramkulh luatnak a hmuh tik lawngah kan in thlah hna lai tiah AA nih an ti hna.

Cun khuami pawl umnak hmun dang tein an tuahpiakhna, cun lo rian an tuaner hna, cun nikkhat ah voi thum lengmang chek an si tiah theih asi.

LEAVE A REPLY

Please enter your comment!
Please enter your name here