A luan cia June 29 ah khan, ngakchia covo peknak upadi duh lonak langhternak cu Mandalay ah USDP Pati nih an tuah tiah Myanmar Times nih a tial.

Mah duh lonak langhternak hi phung ning tein Ma Naw Ra Mi Lu Htut Hit Tine ( မနော်ရမံ လူထု ဟစ်တိုင် ) ah tuah dingin in nawlnak an tuah ko nain, nawl an awnh hna lo ruangah USDP zung ah an tuah tiah theih asi.

Ngakchia covo he pehtlai in upadi thar an suaimi cu 1982 Kawlram rammi sinak upadi he aa kalh tiah tu bantuk in duh lonak an langhter hi asi.

Upadi thar sermi cu 1982 upadi chungin section 21 (a), section 26, section 33 (b), le section 115 ah langhtermi rammi si lomi cu rammi nih aa cawm tikah cu cawmmi cu rammi sinak hmu hlah seh timi he aa kalh tiah an langhter.

“Kofi Anna hruaimi committee nih 1982 upadi he pehtlai in ruahnak an langhtermi zong a um. Hluttaw nih ngakchia covo he pehtlai in tha tein ruahpiak ding, ICCPR (International Covenant on Civil and Political Right) ning in tuah dingah forhfialmi nih a langhtermi ruangah, tlang cungmi ngakchia bantuk in i umter zau in, a hodah a miak a hlmu lai timi hi mizapi theih asi ko” tiah USDP Pati member U Aung Naing Oo nih a chim.

Tu ah ngakchia covo peknak upadi an fehter ahcun tlang cungmi pawl le rammi pawl umnak hmun ah midang  nih a kan hip lai, cun hmunhma an lak dih ding hi thinphang asi tiah a chim chap.

 “Vawlei nih dolh ruangah miphun a tlau lo. Miphun nih a kan dolh ruangah miphun kan tlau lai” tiah U Thein Htun Oo nih a chim fawn.

LEAVE A REPLY

Please enter your comment!
Please enter your name here