Ramthen Hluttaw member pakhat soisel ruangah minung pakhat cu Mon Ramthen, Pong Peng biaceih zung nih thong kum hnih le rianhrang dan an pek tiah DVB nih a tial.

U Aung San Oo nih Lar Htar Kay timi account in June 28 ah khan “dirhmun ngei lomi, zuu tama kha cungah cawi an si” tiah Social Media ah a post caah cucu keimah bak a ka ti duhmi asi ko tiah Mon Ramthen, Pong Peng, me hmun no. 2 in teinak a hmumi Hluttaw MP, U Zaw Zaw Htoo nih tubantuk in Pehtlaihnak Upadi 66 (d) tangah tiza a cuai hi asi.

“Pehtlaihnak upadi in tiza cuaimi an tawlrel tikah, dan tatnak cu kum hnih leng a lonh tikah, hihi cu mipi pakhat caah, caan tha tamtuk a sung. Cun, Mipi pakhat dirhmun in ka chim duhmi cu, mipi me in a kaimi Hluttaw nih mipi sin in bia in soiselnak ruang men ah, thuk deuh in ruah le zohfel hmasa loin, tubantuk in tiza cuai colh hi cu Democracy tlaih-tleng ning asi lo ti hi chim ka duh” tiah thong kum hnih dan pekmi U Aung San Oo nih a chim.

Mah a hmuh (case) hi 2017 December thla in zungah chuah pi asi cang, zung chung caan hmannak lawng tein ni 60 lawng a ruah hnu ah tubantuk in biachahnak an tuah hi asi.  

LEAVE A REPLY

Please enter your comment!
Please enter your name here