AA Letmi Mawtaw (Photo: Highway Plice)

Nizan (June 27) zaan suimilam 11:15pm hrawngah khan, Yangon – Nay Pi Daw kalnak lampi (highway) mengtung 160/3 le 160/4 karlak ah Parado 7D/……… cu aa let i, a hmun ah mi pahnih an thi tiah Highway Police Facebook Page in thawng kan don.

A Thimi (Photo: Highway Plice)

A thimi pahnih hi Pi Huat Men le Sayama Jenny Van Lal Peki an si tiah Lungtting News nih a langhter.

Lungtting News langhter ningah mawtaw ngeitu hi Pu Tial Kung (Hakha thar) asi. 

High Way Police thanh ning ahcun, Mawtaw aa letmi ah hin aa citmi hi pa nga an si, nu pali le pa pakhat an si hna __ cu ah cun pakhat cu fak ngai in aa khong i, pahnih hna cu faktuk lo in an i khong tiah Lungtting News nih a langhter ve.

Mawtaw aa leh dan hi hi ti hin Highway Police nih “Mawtaw a hnu lei ke pahnih bak in a kuai tikah, a shing (speed) a tlaih khawh ti lo caah, mawtaw cu leh hnih bak in aa let” tiah an langhter.

Cu lio ah Hakha ah tuni lawng ah ruak vui ding pathum bak an i tong tiah Lungtting News sin in kan theih, cu hna cu: Pu Thla Bik (kum 63), Pu Victor Van Tha Ceu (kum 28), Pu Sang Mang Lian (kum 38) hna an si.  

LEAVE A REPLY

Please enter your comment!
Please enter your name here