Kawlram ah hin sifah rate a tla deuh ko tiah UN thanchonak program UNDP le World Bank nih hmun khat ah an tuahmi hlat-hlainak (Survey) nih a hmuh-chuah tiah VOA Burmese nih a tial.

2005 lio ah khan Kawlram sifah rate hi 48.2 a rak phan i, 2017 ah cun 24.8 ah a tla  tiah The 2017 Myanmar Living Conditions Survey (MLCS) survey Report nih a langhter.

Mah survey an lak chungah hin milu cu an karh ngai ko nain, a sifakmi milu cu 18.7 million in 11.8 million ah a tla tiah report ningah a lang.

Mah survey an lakmi pawl hna cu: khuate innchungkhar ah letik mei um le um lo, a thiangmi din ti um le um lo, phone le computer an hmang kho maw hmang kho lo cun ngakchia ca thiam le thiam lo timi pawl hna aa tel.

Mah report langhtermi numbers pawl hi 2017 ah hram a bunhmi asi caah, a tulio caan he hin cun aa khat lonak tete a um kho tiah tuanvo ngei U San Myint nih a chim.

Sifah rate a tla ko kan ti lio ah ruah lo piin a chuakmi ngandamnak lei harnak le rian ngeih lonak timi harnak pawl ruangah hin chawleh lei harnak a tong kho ding minung pawl an um ngai tiah U San Myint nih a chim chap.

Source: VOA Burmese  

LEAVE A REPLY

Please enter your comment!
Please enter your name here