Rakhine Ramkulh le Chin Ramkulh Paletwa Peng ah a cang cuahmahmi AA le Kawl ralkap tuknak ruangah, chinmi pi pawl harnak an tong tiah Chin mibu pawl nih thanh-ca an chuah tiah DVB nih a tial.

June 27 ah an chuahmi thanhca ah, Chin mipi chungin tlaih a tongmi, tukvelh a tongmi, nunnak caah tih nung in hrem a tongmi pawl tibantuk in nuhrin covo buarmi tampi an um tiah an langhter.

February 2 lio ah AA le Ralkap an i kah lio ah Kinkalin khuami Chin miphun 54 cu AA nih an rak tlaih hna i an kalpi hna, cu chung cun pahnih an rak zaam kho nain lung zawtnak an ngei tiah an langhter.

Cun June 26 ah khan, tlaihmi Kintalin khuami 12 cu an rak luat kho nain, a tuhi minung 40 bak te an taang rih ko tiah an langhter chih.

A rak tlimi nih an chim ningah, tlaihmi 52 hna cu, AA nih an duhmi poh an tuahter hna __ lo an thlawhter hna, cun tlik aa timmi an theih hna ahcun, an hren hna tiah theih asi tiah an langhter fawn.

Kintalin khuami an tlaihmi hna chungah hin sianginn kai liomi 17 tluk an i tel caah, thlah than dingin Chin nuhrin covo lei cawlcangtu phu nih thanh-ca cun nawlnak an tuah.

Nain AA lei in tuanvo ngeitu Khine Thuka nih cun Kintalin khuami hna hi tlaih si loin, a humhimnak hmun ah kan thialmi hna si __ cun kan tlaihmi hna hi 52 zong an si lo __ a himnak hmun ah kan thialmi hna hi 14 lawng an si, tha tein rian tuan i an paw an i cawm ko, rian zong kan fial hna lo cun, a hren zong kan hreng hna lo tiah an chim.

Rakhine le Pelatwa peng a ummi ral-zaam harnak tongmi pawl hi ramkip bawmhnak petu phu pawl nih a rannak in bawmhnak pek ding zongah nawlnak thanh-ca hmangin an tuah chih.

AA le Ralkap tuknak ruangah Chin Ramulh Paletwa Peng le Rakhine ramkulh chungin minung thong 40 leng nih an umnak inn le lo an chuah tak cang tiah cu chuah-ca hmangin theih asi.

—- Souce: DVB

LEAVE A REPLY

Please enter your comment!
Please enter your name here