Matupi ah District Zung saknak ding hmun kong ah duh lonak an langhter lengmang ko nain, zeihmanh cawlcanghnak tuahmi a um lo caah Yangon ah a voi linak duh lonak langhternak an tuah lai tiah Chin World Media nih a tial.

Tuan deuh cozah nih biachahnak an rak tuahmi District Zung hmun cu Matupi khuapi in meng riat a hlatnak hmun Pa Naing le Nga Line khua karlak hmun ah asi i, cucu an duh lo caah Matupi Khuapi ah voi thum bak duh lonak an rak langhter cang.

Voithum tiang duh lonak an rak langhter cang ko nain, cozah nih zeihmanh an tuahmi a um lo caah, Ramkulh leng Yangon khuapi laifang Ban Duh La pangpa dum ah a ra laimi June 28 ah duh lonak langhternak tuah an timh hi asi.

Tutan Yangon ah duh lonak langhter hnu ah zeihmanh aa hleih lo ahcun, Nay Pi Daw ah an langhter than lai tiah Chin World Media nih a tial.

Chin ramkulh cozah nih cun, mah sak ding an timhmi hi thiamsang pawl zohfel dih hnu ah a that biknak hmun asi tiah an chim ve.

__ Chin World Media

LEAVE A REPLY

Please enter your comment!
Please enter your name here