Hlan-kan in ralrin peknak um loin, Chin Ramkulh le Rakhine Ramkulh chungin Peng 9 chungah internet chahpiakmi kong he pehtlai in Digital lei covo kong cawlcangtu phu le CSOs hna nih ca thluan an chuah tiah Chin World Media nih a tial.

Tubantuk in internet chahpiaknak hi mipi covo a simi, thawng theihnak (access to information) le zalen tein chimrel khawhnak (freedom of expression) buar piak asi tiah cathluan ah an langhter.

Tu thil cang kongah hin, mipi nih lung tling tein thimmi Democratic cozah cungah tuanvo a um tiah cathluan ah an langhter chap.

Nawl ngeitu Ministry of Information and Communication nih tu Internet hrawhpiak dingin June 20 ah ramchungah internet le mobile line a petu MPT, Mytel, Telenor le Ooredoo pawl cu ral a thawhnak hmun ah nawl peknak ca an pek hna i, June 21 zing sumilam 10 in internet kan in hrawhpiak hna lai timi cu mobile sin ah ca kuatnak an tuah.

Hi kong he pehtlai in “Pehtlainak upadi 77 ning in, mipi caah humhimnak a hrawk khotu, cun upadi nih a si ning zoh hnu ah, cozah hruainak in tubantuk in kan tuah” tiah Ministry of Inforamtion and Communication lei in Secretary U So Thein nih a chim.

Note: Tutan cathluan a chuahtu hi phu 22 an si i a tanglei hmangthlak ah rak zoh khahw asi lai.

LEAVE A REPLY

Please enter your comment!
Please enter your name here